(S. Tolino e A. Ferraro)
CANTA ORIGINAL: DIVERSOS CANTORES
Grarélle 'e Positano,
vuje ca v'arrampecate 'mmiez'ô vverde,
vuje ca tuccate 'nzieme 'o cielo e 'o mare
e mme facite sbattere stu core….
Grarélle 'e Positano,
ca ve stennite, a ghiuorno, sott''o sole
e v'addurmite, 'a sera, 'nfunn'ô mare,
pigliáteve stu palpito d'ammore
ca vò' smaniá p''o vverde d''e ciardine,
se vò' 'ncantá
pe' ll'oro d''e llimone
e se vò' tappezzá
cu 'e rrose, 'int'a ll'está'…
Grarélle 'e Positano,
facitelo 'mbriacá cu 'sta canzone
ca sape d'erba 'aruta e addora 'e mare…
purtátelo, cu vuje, 'mbracci'a ll'ammore…
Si vò' sunná,
saglitavillo 'ncielo…
si vò' cantá,
purtatavillo a mare…
Grarélle 'e Positano,
grarélle 'e Positano!