(G. Russo e Vian)
CANTA ORIGINAL: DIVERSOS CANTORES
Mare!
Nu vapore s''a purtaje
chella sera ca giuraje…
Voce: Io torno, aspèttame, nun te scurdá…
Mare!
Ogne sera ca te veco,
d''e pparole sento ll'eco:
Voce: Io torno, aspèttame, nun te scurdá…
Ma 'e mise passano, ch'aspetto a fá?…
Comme te puó' scurdá
ca t'aggio amata?!
Comme se pò sbagliá
pe' tutt''a vita?!
E si nun vuó' penzá
ê giuramente ca facive a me,
comme te puó' scurdá
ca t'aggio amata,
si aggio perduto 'a vita mia pe' te?!
Mare!
Dint''e llettere cchiù ardente,
mme ripete 'e giuramente:
Voce: Io torno, aspèttame, nun te scurdá…
Mare!
Si tu saje ca nun è overo,
levammella da 'o penziero…
Voce: Io torno, aspèttame, nun te scurdá…
O 'a strada 'mpárale p''a fá turná…
Comme te puó' scurdá
ca t'aggio amata…
Mare!
Nu vapore s''a purtaje
luntano 'a me!